سب انسپیکٹر تاج محمد کورائی

انسانی فطرت کے پیشِ نظر اس دنیا کا تقریباً ہر شخص اپنی ساری زندگی عزت و رتبہ کی تلاش میں مصروف نظر آتا ہے۔ پر بہت کم لوگ ایسے ہوتے ہیں جو کہ واقعی میں اپنا ایک الگ مقام بنا پاتے ہیں۔ اور اُن میں سے بھی پھر چھاننے پڑتے ہیں وہ لوگ جن کو بلندی راس آتی ہے اور وہ اونچائی پہ پنہچنے کے باوجود بھی اپنے ماضی اور اپنے لوگوں کو یاد رکھتے ہیں۔ ایسی ہی انمول شخصیات میں ایک نام سب انسپیکٹر تاج محمد خان کورائی (مرحوم) کا بھی ہے۔
پولیس سروس جیسے بارعب ادارے میں سب انسپیکٹر کے نمایاں عہدے پہ ہونے کے باوجود بھی آپ کی عاجزی قابلِ تحسین تھِی۔ وہ اپنے پورے علاقہ کے لوگوں کو اپنا خاندان مانتے تھے۔ یہی وجہ تھی کہ جب بھی اُن میں سے کسی نے آپ کو مشکل گھڑی میں آواز دی تو امیری و غریبی سے قطع نظر آپ نے ہمیشہ اُن کی آواز پہ لبیک کہا۔ علاقے کے ساتھ ساتھ آپ نے پولیس سروس میں بھی نہایت انوکھے انداز میں اپنا مقام بناتے ہوئے اپنا اور اپنی قوم کا نام ہمیشہ بلند رکھا۔
آپ اُس گوہرِ نایاب کی طرح تھے کہ جسے ہر کوئی فخر سے اپنے سر پہ سجا لے۔ آپ اپنے نام کی طرح واقعی میں اپنے وسیب کے لوگوں کے لیے ایک تاج تھے۔ اللہ پاک مرحوم کے درجات بلند فرماتے ہوئے انھیں جنت الفردوس میں اعلیٰ مقام عطا فرمائے۔ (آمین)۔