بھنڈی کورائی سے متعلق

 

موضع بھنڈی کورائی ضلع مظفر گڑھ کی تحصیل جتوئی میں واقع ایک سرسبز گائوں ہے۔
اگر ہم اِس کے نام پہ نظر دوڑائیں تو ہمیں پتہ چلتا ہے کہ یہ نام دراصل دو الفاظ کا مجموعہ ہے؛ "بھِنڈ" اور "کورائی"۔ اِس نام کے پہلے حصے کے حوالے سے سننے میں آیا ہے کہ بھِنڈ دراصل جنگلات کو کہا جاتا ہے۔ اور جب یہ نام رکھا گیا تھا تب اس گائوں کا زیادہ تر حصہ جنگلات پہ مشتمل تھا تو اِس وجہ سے لفظ "بھنڈ" کو بھی اِس جگہ کے نام میں بطور ایک حصّہ شامل کیا گیا(واللّہ اعلم)۔ جبکہ لفظ "کورائی" کی وجہ یہاں رہائش پذیر لوگوں کی قوم ہے جس کا تعلق بلوچ خاندان سے جا ملتا ہے۔ ویکیپیڈیا کے مطابق بلوچ قبیلہ کی بنیاد بارھویں صدی عیسوی میں جلال خان کی جانب سے رکھی گئی۔ جلال خان کے چار بیٹوں میں سے ایک کا نام کوڑا خان تھا۔ اور یہ ہی وہ کوڑا خان ہے جس کے نام کی نسبت سے کورائی قوم جڑی ہوئی ہے۔
ہر گائوں کی طرح اِس گائوں میں بھی پہلے پہل تعلیمی فقدان عروج پہ تھا۔ پھر اللہ پاک نے اِس گائوں کو چند ایسے فرشتہ صفت انسان عطا کیے کہ جنھوں نے تعلیمی شعور کو اجاگر کرتے ہوئے آنے والی نسل کی قسمت بدل کے رکھ دی۔ اُن عظیم خدمت گاروں میں استاد امان اللہ خان صاحب، استاد محمد اسلم صاحب اور استاد سیف اللہ صاحب سرِ فہرست ہیں۔ آہستہ آہستہ یہاں کے لوگوں میں تعلیمی ہم آہنگی پیدا ہوتی گئی اور دیکھتے ہی دیکھتے یہ پسماندہ علاقہ ایسے ایسے شاہکاروں کو جنم دیتا گیا جنھوں نے آگے جا کر کئ عظیم قومی عہدے سنبھالے اور اپنے فرائض خوش اصلوبی سے سرانجام دیتے ہوئے ملک و قوم کا نام روشن کیا۔
https://bhindikorai.blogspot.com/